Letste oore

Aangekomme wo we begonne zien in Bangkok, tzelfde hotel; wo we os "thoes" veule. De weke zien umgevloge! Gister eine daag in Patong/phuket gewees nodet we met den boét vanoet phiphi ware vertrokke. Ein bietje regen gehad maar we krege geliek n regenjas aangereik. De kinder hebbe op de veerboét kinne slaope en weej hebbe op t deck no eine dieke speejende chinees kinne kieke dea behuurlik zeeziek waar en wie ein pop tege de rand aangedruk loog wate anderhalf oor vol heat gehalde! Saoves neve t strand gelaupe en t nachleve opgezoch in bang-la raod, wat ein drukte!
Oelala de ladyboys vinde Colin um te smulle...
Ontzettend benauwd is t heej, en ndet leet neet aan t publiek!
Helaas genne wifi gevonde dus auk neet met oma Corry kinne facetime-e.
Smorges um 5.30 door den taxi opgehaold en met ein binnelandse vluch van n oor truuk no Bangkok gevlooge. Dit kier op de 16e etage met oetzich euver de andere kant van dees immens groete stad. Iddere minuut dat we der nog zien geneete van alles wat heej te zeen is. Ff sjoppe in t winkelcentrum heejbinne; ein gebouw van 10 verdeepinge onder os hotel zoe groét! Eg neet normaal, verdwale is heej gen kuns! jordi blief ff op bed ligge en velt in slaop. Weej aete os nog maar weer ens wat want det doon de Thai heej namelik auk de ganse daag door! Eigelik snaps neet wie t kin dat die zoe slank blieve.
Smiddaags door de tuktuk no Chinatown laote aafzette. Auk dit is geweldig um te zeen! Eine groete mierehaup! Wat ein steegjes, winkels, kruumpkes,aete,minse...we kieke os de auge oet! In ein hiel smaal steegje tusse de puin en aafval vinde we eine "kraom" met de leukste/best nogemakde schoon, hup, Milou&Leon score good!
No t douche begint t hiel hard te regene. We hebbe met Simone&Lars aafgesproke um same te gaon aete en as we allebei eine taxi hebbe gevonde en oetstappe is t alweer druuig.
Wat leuk um eur heej te treffe, zeej slaope in t zelfde hotel en beginne now aan eur reis!
Nog ff wat souvenirs kaupe en dan motte we toch eg aafscheid neme van alles heej um os heer.
Nog eine nach in dees stad...zulle weej heej oeijts nog truuk komme?
Um 8.30 is t dan tied um oet te checke en nog gauw ein paar baht oet te geve richting vliegveld.
Onderweeg kin ik mien auge neet vd stad aaf halde, alles zuug ik in mig op..
Kapunkaa!